Tag Archive | syraian baby Ahlan

Krishna Nee Begane Baro

ahlan

கண்ணா வருவாயா…….

காலம் கடந்து அழைக்கிறேன் கண்ணா,

இந்த மானுடம் தழைத்திட,

தர்மம் நிலைத்திட

மனிதன் வாழ்ந்திட உனக்கு

அறைக் கூவல் விடுகிறேன்

ஆம் அஹ்லன் எனும் சிறுவன்

அழிய காரணம் யாரோ தெரியாது

ஆனால் தர்மம் வீழும் போது

இந்த அவினியில் நான் வருவேன் என்றாயே?

அஹ்லன் உன்னை அழைக்கவில்லையோ?

இப்போது உன்னை அழைக்கிறேன்,

மற்றுமொரு அஹ்லன் இறக்காமல்

இருக்க வரம் தர நீ வர வேண்டும்.

எப்போது நீ வருவாய்? எங்கணம் வருவாய்?

மதங்கள் இல்லா உலகம் வேண்டும்,

மனிதன் வாழ மனிதம் வேண்டும்

எப்படி செய்யப் போகிறாய்?

மதம் வளர்க்க பாடுபடும் உள்ளத்தில்

மனிதம் வளர்க்க ஆனையிட

நீ எப்போதுவருவாயோ?

எங்கணம் வருவாயோ??

மதம் பிடித்தவர்கள் மாண்டு இருந்தால்

உன்னை அழைத்திருக்க மாட்டேன்

இங்கு மாண்டவர் எல்லாம் மதம் தெரியாத

மனிதம் புரியாத பாலகனாயிற்றே ! !

மாதா பிதா மட்டும் தெரிந்து..

மானமும் தெரியாது, மதமும் தெரியாது

வாழ்க்கையும் புரியாது அழகாக சிரித்து

துள்ளித் திரியும் அந்தச் சிட்டுக்கு தெரியுமா

மதத்தின் பெயரால்மாண்டுவிட

போகிறோம் என்று?

மதம் பிடித்த இந்த மதவாதிகளை

மரணம் ஆட்க் கொள்ளட்டும்

அன்பு மனதில் மனிதம் வளரட்டும்

அப்பாவிகளை கொள்ளாமல் காக்க

என் கண்ணா நீ வா வா வா

krishna-nee-begane

Advertisements