Tag Archive | Eswar-Allah

Eswar-Allah-Tere-Naam

ஈஸ்வர் அல்லா தேரே நாம் – காந்தியால் எழுதப்பட்ட வரிகள், சுதந்திர போராட்டத்திற்கு காந்தியால் ராம பஜனாக பாடபட்ட பாடல், இதில் இஸ்லாமியர்கள் அல்லா எங்கணம் வந்தார் எதற்காக எழுதப் பட்டது என்று தெரியாது.

இஸ்லாமியர்களால் ராமனுடன் ஓப்புமைக்கு இயலாத அல்லாவை இனையாக சொன்னது ஏற்றுக் கொள்ளப்பட்டதாஎன்றும் எனக்கு தெரியாது.

நான் காந்தியைப் பின்பற்றுபவளும் இல்லை, ஆனாலும் இந்த ஈஸ்வர அல்லா தேரே நாம் என்று சொல்லும் போது ஒரு ஆனந்தம் வருவது என்னமோ உண்மை.

Allah-Eswar

காரண காரியங்கள் இல்லாமல் ஒரு அனுவும் அசையாது என்று இறை மீது நம்பிக்கை உண்டு. நான் மதங்களை கடந்து மனிதர்களை நேசிப்பவள், மதங்களின் வழியாக மனிதர்களை பார்ப்பவள் இல்லை, மனிதர்களின் வழியாக மதத்தினைப் பார்க்கிறேன்….. அதனால் தானோ என் மனம் அமைதியின்றி தவிக்கிறது….

நான் மனிதன் என்பதனால் வருந்தவில்லை, நீ இஸ்லாமியர் என்பதால் கலங்குகிறேன்…. இஸ்லாம் சொல்லும் எதிலும் நீ இல்லாமல் இருந்து அந்த மார்க்கத்தையும், மனிதர்களையும் எங்கு கொண்டு செல்வாயோ? 

“மது குடிக்கலாம் ஆனால் போதை வரக்கூடாது!“ என்பது மாதிரி! மதுவின் தேவையே போதைதானே? அது போல தான் இன்று மதம் என்பதும் மனிதனுக்குள் போதையாகியது…..

மதம் என்பதும் ஒரு போதையாகிப் போனது விந்தையே….

ராமனும் ரஹீமும் ஒன்றாக இல்லாமல் இருக்கலாம், ஆனால் அவர்கள் குருதியின் நிறம் சென்னிறமே… அவர்கள் இருவரின் பிறப்பும் இருவரின் சங்க்மத்தில் உருவானது தானே? உயிர் இருக்கும் வரை மட்டுமே ராமன், ரஹீம், இறந்த அடுத்த நொடியில் இருவரும் பிணமாக மட்டுமே கருதப்படுகிறார்கள்.

மூச்சிற்கு முன்னூறு முறை ராமா, அல்லா, யேசுவே என்று சொல்லி அத்துனை கெடுதலகளையும் செய்வேன், இறைவன் என்னை மன்னிப்பான், ஒரு தாயைவிட 70000 மடங்கு அன்பு கொண்டவன் என்று அடி மனதில் நினைத்து, நான் எந்தவொரு தகாத செயலைச் செய்தாலும் எனக்கு மன்னிப்பு கிடைக்கும் என்று இருமாப்பில் இருக்கும் மானிடனே, மூடனாவாய் அந்த இறைவன் முன்பு. நல்லதை செய் நல்லதே நடக்கும், நல்லதை நினை, நல்லவையே பிறக்கும், எண்ணம் சிதறாமல் இருந்தால் உன் வாழ்க்கை சிதறாது. சிந்தையில் இறைவனின் எண்ணங்களை வை, அடுத்தவர் சிதையில் இல்லை…..

மதங்கள் என்பது மனிதனின் வாழ்க்கையை நெறி முறைப் படுத்தவே, இப்படி அடித்துக் கொண்டு சாஹவா? உன் மதம் உனக்கு பெரியதா, அதனை புனிதமாக பின்பற்றி அதன் புனிதத்தை எனக்கும் சொல்லிடு…

Be true to yourself

Advertisements