Tag Archive | பிரிவு

உனக்காக மட்டும்

motherhood-1

என் ஆழ்மனதில் புதைத்து

வைத்த அத்தனை ஏக்கத்திற்கும்

என் அன்பிற்கு மொத்தமாய் 

சொந்தமானவளே

எனக்கே தெரியாமல் 

ஏக்கங்களுடனும் 

பல கனவுகளுடனும் 

காத்திருக்கிறேன்
என் கருப்பையை மூடிவைத்து 

கடவுளின் முன்னால் 

கையேந்தவில்லை 

மனமுருகவில்லை

பிரார்த்தனை இல்லை 

என் மகள் உன் மகன் என்று 

பிரித்து பார்த்ததும் இல்லை 

அனைவரும் சமம் எனவே இருந்தேன் 

 motherhood-4

என்னை ஆட்டிவைக்கும் 

அதிகாரம் எடுத்தவளே 

உன் அன்பினில் உருகிடவே

உனக்குள் உறைந்திடவே 

என் உயிருக்குள் கலந்திட்டவளே  

உன் அன்னையாக நான் இருந்திடவே
என் கருவறைக்குள் அடிஎடுத்து
வைத்திடத்தான் நீ ஓடிவா

என் அன்பு செல்வமே!!! 

வயிற்றினில் சுமப்பது வலியா?

இதயத்தின் சுமப்பது வலியா? 

எனது கேள்விகள் என்னையே கொல்கிறது.

என்னருகே நீ இருந்தால்

உன்னருகே நான் இருந்தால் 

அதுவும் இதுவும் எதுவும் சுமை அல்ல 

தொடும் தூரம் நீ இருந்தால் 

அனைத்தும் சுகமாகும்.

கண்ணுக்குள் நீ இருந்தாலும் 

கண்களுக்கு அருகினில் நீ இல்லை

அனைக்கும் ஆசை இருந்தும் 

கைகளுக்கு நீ எட்டுவது இல்லை 

View More: http://sparklingfootsteps.pass.us/nikki-maternityfamily

முத்தமிட நான் நினைக்க 

முத்தம் ஒன்றை நீ கொடுக்க 

அந்த செவ்விதழ் சத்தம் 

ஒன்றை மட்டுமே பரிசாக

செவி வழி கொடுக்க சொர்க்கம்  

எனவே நான் நினைப்பேன்

அந்த சத்தத்தை – உன்

இதழ் எச்சில் என்னவென்று

நான் அறியாதிருந்தால் 

 

கருவினில் சுமந்திருந்தால் 

10 மாதம் மட்டுமே சுமையாவாய் 

மனதினில் கருவாகவே 

உன் உருவத்தைச் சுமப்பதினால் 

என் ஆயுள் வரை இருந்திடுவாய் 

என் இதயத்தின் அன்பு

சிறைக்குள்ளே ஆசை சிசுவாகவே 

எனக்குள்ளே இருந்திடுவாய், 

நீ பிள்ளைகள் பல பெற்றாலும் 

என்றும் எனக்கு குழந்தையாகவே 

 motherhood-2

சுகமான சுமையாக உன்னை 

சுமக்கவே நினைக்கிறேன் 

அழகன வரமாய் வசந்தமாக 

வாவென கேட்கிறேன் 

உன் கருவிழிக்குள்ளே

என் முகம் புதைத்து 

உன் விழி வழியே

என்னை பார்த்திடவே  

நமக்கான புது உலகினை

உறவினை  படைத்திடவா

தங்கமவள் பசி அறியவில்லை 

முலையமுது தரவில்லை 

என் தேகம் இழைத்தும்

உயிரைக் கரைத்தும் அதில் 

தாய்மை குழைத்து 

உனக்கெனவே 

என் ஆயுள் முழுதும் 

அன்பைச்  சோரக

ஊட்டி விட வர வா…. 

பாசத்தை இலக்கணமாக்கி 

மௌனத்தை இலக்கியமாக்கி 

தேனொழுகும் மொழிதனை 

உனக்கு கற்று தரவில்லை 

ஆனாலும் நீ பேசிடும் அனைத்தும் 

தேன்மொழியாகவே தித்திக்கிறது 

தனிமை என்பதே நம் இருவருக்கும் 

இனி இல்லை 

நீ பேசிய அன்பான வார்த்தைகளும்

உன் விரல்கள் பேசிய 

அன்பான வருடல்களும்

நீ சிரித்த சிரிப்பும் என் உயிரோடு 

கலந்து விட்ட ஓவியம்

வந்து போவதில்லை உன் நினைவுகள்

என்றும் என்னுடன் நீ இருப்பதால் 

நீ  பேசிய வார்த்தைகள் 

அனைத்தும் இனிக்கிறது 

இருந்தும் நீ சொன்ன இவ்வரிகள் 

கடைசி வரை சேர்ந்தே இருப்போம்

பிரிவு என்பது மரணம்

ஒன்றால் மட்டுமே நிகழும்.

Advertisements

எழுதிகிறீர்களா?

கவிதைகளே எழுதுவதில்லையா என எனது நண்பன் ஒருவன் கேட்ட பின்னர் தான் என் எண்ணங்கள் துருபிடித்துப் போனது அவளது நினைவுகளில் என்று உணர்ந்தேன்.

ஆமாம்

வார்த்தைகளில் வலிகளை மறக்க நினைத்ததாலோ என்னமோ வார்த்தகள் வரவில்லை, விளையாடவும் இல்லை.

அன்பின் அரவனைப்பில்

இருந்தபோது

கவிதைகள் பிறந்தது

அன்பின் வலியில்

கவிதைகள் வளர்ந்தது

அவளால் உணரமுடியாத

கவிதைகளால்

என் வார்த்தைகளும் மரித்தது ! ! !

நண்பனே ! ! !

வீழ்ந்தாலும் விதையாவேன்

விருட்சமாவேன்

என்று சொல்வது எளிது

அன்பில் விழுந்தால்

எழுவது சுலமில்லை. (அவளது நினைவுகளில்

சிக்கி சிறை பூண்டதால்)

Strength or Weakness?

உந்தன் நிழலோடு நான் – என்னோடு நீ ! ! !

இதுவரை நான் உணர்ந்த அத்தனை உணர்வுகள் அனைத்தும் உன்னோடு நான் என்று இருந்ததால், அதனை ஆங்கில மொழிதனில் நீ படித்திட வேண்டும் என்று அனைத்தையும் பதிவிட்டேன். இன்று ஏனோ நீ இதனை அறிய வேண்டாம் என்று தோன்றுவதால், எனது தாய் மொழியாம் தமிழினில் பதிவிட மனம் துடிக்கிறது.

என்னை அறிந்த அனைவரும் சொல்லும் ஒரு சொல், நான் அவர்கள் மீது கொண்ட பாசம், நேசம், நட்பு, அன்பு என்று பல பெயர்களில் சொன்னாலும், உண்மையான, தூய்மையான, உன்னதமான ஒரு ஸ்னேகம் மட்டுமே அதில் இருக்கும். ஆனால் நீயோ நான், கற்பனையில் கூட நினைக்க மறந்த இனிய உறவாக என்னையும் அறியாமல் எனக்குள் பிறந்தாய்….. பேரின்பத்தின் உச்சத்தை எட்டச் செய்தாய்.

இது நாள் வரை நான் உன்னால் பல முறை வருத்தப்பட நேர்ந்தாலும், கண்ணீரோடு பல நாட்கள் இருந்தாலும், உதட்டினில் மாறாத சிரிப்போடு மட்டுமே உன் முன்னே வளம் வந்தேன், காரணம் உன்னால் ஏற்பட்ட அந்த உறவின் சுகமும் உனக்கு சிறிதும் மன வருத்தம் ஏற்பட்டுவிட கூடாது என்றும் மட்டுமே.

எந்தன் அன்பினை நன்றாக அறிந்திருந்தும், ஏதோ உனக்குள் இயல்பாக இருக்கும் ஒரு வெறுமையின் பாதிப்பை என்னோடு காட்டுகின்றாய். நீ எனக்குள் வந்தபின் நான் என்னும் அகந்தையும் அடிபட்டு போனதே ஒரு விந்தை. ஆம் ஒவ்வொரு முறையும் நீ என்னோடு விளையாடும் அனைத்திலும் எந்தன் நான் என்றது அடிபட துடித்தேன். வேறு யாராக இருந்தாலும் அவரது உறவே வேண்டாம் என்று தான் இருந்து இருப்பேன், இது என்னை பெற்றவாளாக இருந்தாலும் அதையே தான் செய்து இருப்பேன்.

நீ எந்தன் உணர்வுகளை கொன்று, எனக்கான உறவினையும் கொன்ற பின்பும் கூட ஏன் வந்தாய்? எதற்காக வந்தாய் என்று எண்ணம் கொள்வதற்கு கூட நேரமில்லாமல், உன்னை மட்டுமே நினைக்கும் இல்லை சிந்திக்கும் இல்லை சுவாசிக்கும் அளவிற்கு என்னை ஆட்கொண்டாய்.

இனிய உறவாக இருந்ததால், உன்னை நிஜம் என்று எண்ணியது எந்தன் தவறே. பல நேரங்களில் காயப்பட்டு இருந்தாலும், உன்னால் ஏற்பட்ட பாதிப்பினை அந்த இனிய சுகத்திற்காக, எந்தன் காயத்திற்கு உனது சிரிப்பினை மருந்தாக நினைத்துக் கொள்வேன். குழந்தை எட்டி உதைத்தால் வலிக்காது என்று எனக்கு நானே சமாதனம் சொல்லியதுண்டு.

கற்பனையிலும் இல்லாத உறவு, நிஜத்தில் ஆனால் அந்த உறவினை நிழலாக மாற்றியதும் நீயே…..

உந்தன் உறவானது ஆலமரம் போல் என்னுள் வேரூன்றி வளர்வதற்கு நீயே தான் காரணம்….. உறவுகளின் உன்னதம் தெரியாத உன்னால் என்னுள் எனக்கான ஒரு உறவினை எப்படி வளர்த்திட முடிந்தது? எனது பலமே எனது உறவுகள் தான். எப்படி இன்று எனது பலவீனமாக ஆனது?

சந்தேகம்

சந்தேகம்

வாய் விட்டு சிரித்தால் நோய் விட்டு போகும். உறவுகளுடன் வாய் விட்டுப் சிரித்து பேசிட நீண்ட நாள் நோயும் பறந்து போகும்….. சந்தேகமும் ஒரு நோய் தான், ஆம் மன நோய். அதீத அன்பு இருக்கும் இடத்தில் சந்தேகம் தானாக பிறக்கும். சந்தேகம் வந்த பின் சகஜமாக பேச முடியாது. சந்தேகம் வருவதற்கு முன், உறவுகள் பலமாக இருக்கும். சந்தேகம் ஒருவித்த்தில் இயலாமையைக் காட்டுகிறது.

மனம் விட்டுப் பேச முடிந்தால் மட்டுமே உறவுகள் பலமாகும்.  உறவுகளில் என்றாலும் சரி, நட்புகள் என்றாலும் சரி  மனம் விட்டுப் பேச முடியாமல் இருக்கும் சந்தர்ப்பங்களில் மனம் குழப்படைகின்றன.

மனம் விட்டுப் பேசுவது குறைந்து போவதால் கற்பனைககளும், சந்தேகங்களும் நிஜங்களின் இடத்தைப் பெற்றுக் கொண்டு எல்லாவற்றையும் உறுதி செய்ய ஆரம்பித்து விடுகின்றன. பின் அந்த உறவுகளில் விரிசல் விழுகின்றன; நட்புகள் துண்டிக்கப்படுகின்றன.

எதையும் தவறாகப் புரிந்து கொள்ளுவதும், தவறாக ஆக்கி விடுவதும் மனித இயல்பு. அதிலிருந்து வெளியில் வருவது அத்தனை சுலபமானது இல்லை. ஆனால் வாழ்க்கையை தலைகீழாக மாற்றி விடும்.

சந்தேகம் என்ற பூதகண்ணாடியை வைத்துப் பார்க்கும் போது ஒன்றிற்க்கு எத்தனை தப்பான அர்த்தங்கள் முடியுமோ அத்தனையும் நம்மால் காண முடியும். இந்த முட்டாள்தனத்தில் பலியாவது உறவுகளும், நட்புகளும்,  நம்முடைய சந்தோஷங்களும் தான்.

புரியாத போது நாமாக ஒரு அர்த்தம் உருவாக்காமல் அடுத்தவரிடம் வாய் விட்டுக் கேட்டு விடுங்கள். முற்றிலும் முரண்பாடாக நடந்து கொள்வதாகத் தோன்றும் போது ஏன் என்று வெளிப்படையாகக் கேட்கத் தயங்காதீர்கள். நீங்களாக ஒரு முடிவினைத் தீர்மானிக்காதீர்கள். அதே போல் நீங்களும் வழக்கத்திற்கு மாறாக நடந்து கொள்ளும் போது ஏன் என்பதை தெளிவுபடுத்துங்கள். அடுத்தவர்களுக்குப் புரியும் என்று நீங்களாக நினைத்துக் கொள்ளாதீர்கள்.

தவறு என்று நீங்கள் நினைப்பதை உங்கள் உறவுகளிடமும், நண்பர்களிடமும்  கண்டிப்பாகத் தெரிவியுங்கள். அதைக் கேட்டு அவர்கள் சொல்லும் காரணங்கள் நியாயமானவையாக இருக்க்க கூடும். அப்படியில்லை என்றாலும் நீங்கள் சொன்னதில் உள்ள நியாயத்தை கண்ட பிறகு அவர்கள் செய்த்து தவறு என்று புரிந்து அவர்களை திருத்திக் கொள்ளவும், மீண்டும் அப்படிச் செய்யாமலிருக்கவும் வாய்ப்புகள் உள்ளன. இப்படி அந்தந்த சமயத்தில் சரி செய்து கொள்ள வாய்ப்புகள் ஏற்படுத்திக் கொள்ளாமல், உறவுகளில் விரிசல் ஏற்பட காரணமாக இருப்பது மனம் விட்டுப் பேசுதாலே என்று நாம் அறிய சந்தர்ப்பமில்லாமல் போகிறது. மனம் விட்டு பேசுதலே எளிய முறையாகும், நமக்கு மிகவும் சாத்தியமானதும் கூட. அப்படிச் செய்யாமல் போகும் போது லேசாக எழும் விரிசல் இதை போன்ற தொடர் செய்கைகளினால் பெரிதாகிப் போய் பிரிவினையை ஏற்படுத்தி வாழ்க்கையில் வசந்த்த்தை அழித்து விடுகிறது.

வெளிப்படையாக மனம் விட்டுப் பேசியிருந்தால் உறவுகளில் பிளவு ஏற்படாமல் இருந்து இருக்கலாமோ, எனது நட்பு சேதமடையாமல் இருந்திருக்குமோ என்று பல ஆண்டுகள் கழித்து மனம் வருந்தும் ஒரு சந்தர்ப்பம் அமைந்துவிட்டால் என்ன செய்வோம் என்று கொஞ்சம் சிந்தித்தால் நமது வாழ்க்கை ஆனந்தமாகச் சென்றிருக்குமோ?

இதை அனுபவத்தில் மட்டுமே சொல்கிறேன். ஆம் வருத்த படுகிறேன். எனக்கு சந்தேகம் என்று சொல்ல முடியாது ஆனாலும், அடுத்தவர்களின் சந்தேகத்தின் விளைவால், வாழ்க்கையில் எத்தனை தொலைத்து இருக்கிறேன் என்று எனக்கு மட்டுமே தெரியும். அவர்களின் சந்தேகத்தை போக்கிட ஒரு வழி அன்றைய தினத்தில் எனக்கு தெரியவில்லை. இன்று யோசிக்கும்போது இதனை இவ்வாறு கையாண்டு இருந்தால் வாழ்க்கை வேறு விதமாக அமைந்து இருக்குமோ என்று ஒரு சிறு உறுத்தலோடு தான் இந்த பதிவினை பதிவாக முயன்றேன்

எனவே நீண்டநாள் ஆழமான நட்பும், உறவும் நீடிக்க வேண்டுமானால் இந்த மந்திரத்தை மறந்து விடாமல் கடைபிடியுங்கள்- வாய் விட்டுப் கேளுங்கள். மனம் விட்டுப் பேசுங்கள்.

அன்பு நிலையானது

Friends For Ever

U R my Best Friend

எந்தன் தாயும் நீயே!

எந்தன் தோழியும் நீயே!

எந்தன் காதலும் நீயே!

எந்தன் சேயும் நீயே!

எந்தன் உணர்வும் நீயே!

எந்தன் உயிரும் நீயே!

எந்தன் வாழ்வும் நீயே  என்று

உன்னை சுவாசித்தேன்,

இந்த உலகமே

உன்னை வெறுத்தாலும்                                                                

உன்னை நேசிக்க

நான் இருக்கிறேன் என்ற

உன் பாசத்தில் பைத்தியமான

என் அன்பிற்கு நீ

கொடுத்த பரிசு

இன்று மட்டும் இல்லை

என் சுவசம்

நிற்கும் தருணம்,

நான் இருப்பினும்,

இறப்பினும்

இந்த இதயத்தில்

எப்போதும் மாறாமல்

என்னோடு

வலியுடன் வாழும்

என் அன்பு தோழியே

உன் நட்பு ! ! !

பிரிந்த_உறவு

பிரிந்த (பறந்த) உறவு

 

Sadness

உன்னிடம் கோபம் சிறிதுமில்லை

யார் மீதும் கோபமில்லை….

உன்னை நேசித்த இந்த

இதயத்தின் மீது மட்டுமே

என்னுடைய கோபம்.

உறவுகளில் விரிசல் இல்லை

புத்தியில் குழப்பமில்லை

நண்பர்களுக்கும் பஞ்சமில்லை

அலைகளாக

உன் நினைவலைகள்

அடைமழையாக

நம் அன்பின்

நேற்றைய ஞாபகங்கள்