Tag Archive | உடல்

தேவதையாக வந்தாய்

அன்பு மகளே!
தேவதையாக வந்தாய்!
தேனாய் இனித்தாய்!
பாசம் தந்தாய்
நேசத்தை ஊற்றினாய்
பரிவை வளர்த்தாய்
அன்பிற்கு அடையாமாக
அடைமொழியானாய்
உந்தன் பெயரைச்
சொன்னாலே உதடுகளில்
புன்னகை பூத்திடுது

சேயாகப் பிறந்தாயே எந்தன்
தாயாக வளர்ந்தாயே
உனக்கு சேவகம் செய்திடவே
யாசகம் செய்தேனோ
உன் தேவை யாவும்
நிறைவேற்றிடும் சேவகியாகவே
மாறிட தவமதனை செய்தேனோ

உன் கண் அசைவில்
கட்டளை இடு
என் சிரம்
அடிபணியும் என் செல்லம்
இவள் பாதங்களில்

அன்பு கட்டளைகளுக்கு
அந்த விண்மின்களும் தரை இறங்கும்
உந்தன் பாசம் சுவைத்திடவே

நீ வாடி நின்றால்
உள்ளம் தான் தாங்காதே!
நீ ஓடி வந்தது
அணைத்திட்டால் எந்தன்
இன்பம் என்றும் விலகாதே !

நீ கோபம் கொண்டு
முகத்தை திருப்பிக் கொண்டால்
என்ன செய்வேன் என் மகளே
உன்னைச் சிரிக்க வைக்க
முழு முட்டாளாக ஆவேனே!

காலமெல்லாம் நீ சிரிக்க
அதைக் கண்டு நான் ரசிக்கவும்
கண்ணீரை நான் மறைத்து
உன்னோடு சிரிப்பேனே!

பறவைகள் போலே
நீயும் சிறகடித்து பறந்திடு!
அந்த நிலவினைப் போலே
நீயும் புன்னகையில் ஒளி வீசிடு!

நீ காட்டும் அன்பிற்கும்
விண்ணிற்கும் இல்லையே எல்லை !
எந்த பிறவியில் ஏது பணி செய்து
இந்த ஜென்ம பந்தத்தின்
கடனை நானும் தீர்ப்பேனோ?
உலகம் உறவாக கொண்டேன்
இன்று உலகமே நீ என்று வந்தேன்
உணராத அன்பை உணர்ந்தேனே
உனக்குள்ளே எனக்காக
என் தேனே செந்தேனே
என் உயிர் நீ தானே
உறவானாய் உயிரானாய்
உறவுக்கு உயிரானாய்
என் உயிரே எனக்குள்ளே
எந்நாளும்

உனக்குள் வாழும்
என்னை என் உயிர்
இந்த உடல் பிரிந்தாலும்
நான் வாழ்வது நிச்சயம்

Advertisements

இவளும் பத்தினி

vilai-maathu

 விலை மாது

தன் உடலை மூலதனமாக்கும்

தன் குடும்ப தேவைக்கும்,

தன் தேவைக்கும் மட்டுமே !

சுய இன்பத்திற்கு இல்லை.

வேசி என்று ஏசிடலாம்,

அவள் உடலைத் தான்

விற்கிறாள் தன்னைச்

சார்ந்தவர்கள்பசி தீர,

தன் குடும்பத்தின் நிலை மாற

சகோதரன் படிக்கிறான்
சகோதரிகளின் திருமணம்

அன்னையின் மருத்துவச் செலவு

அப்பாவின் அகம்பாவம் இன்னும் பல…

சுயம் இழந்து சுகம் கொடுக்கிறாள்

மனதை விற்கவில்லை

எவரையும் மயக்குவதுமில்லை

மனதைக் கொன்று,

தனது உடலை தானமக்கும்,

எவனோ ஒருவன் தன்

உடல் தேவையை தீர்த்துக் கொள்ளும்

மாமிச மிருகங்களிடம் சிக்கிச்

சின்னபின்னமாகிறாள்.

உன்னால் முடிந்தால்

அவளுக்கு ஆதரவு கரம் கொடு

ஸ்னேகம் காட்டு

சீர் பட திளைத்திடு…

சீர்கேடாக பேசிடாதே

தன் மனதிற்குப் பிடித்தவனுக்கு

மனதை மட்டுமே கொடுக்க முடியும்,

இவளும் பத்தினி தான்.