Archives

தேவதையாக வந்தாய்

அன்பு மகளே!
தேவதையாக வந்தாய்!
தேனாய் இனித்தாய்!
பாசம் தந்தாய்
நேசத்தை ஊற்றினாய்
பரிவை வளர்த்தாய்
அன்பிற்கு அடையாமாக
அடைமொழியானாய்
உந்தன் பெயரைச்
சொன்னாலே உதடுகளில்
புன்னகை பூத்திடுது

சேயாகப் பிறந்தாயே எந்தன்
தாயாக வளர்ந்தாயே
உனக்கு சேவகம் செய்திடவே
யாசகம் செய்தேனோ
உன் தேவை யாவும்
நிறைவேற்றிடும் சேவகியாகவே
மாறிட தவமதனை செய்தேனோ

உன் கண் அசைவில்
கட்டளை இடு
என் சிரம்
அடிபணியும் என் செல்லம்
இவள் பாதங்களில்

அன்பு கட்டளைகளுக்கு
அந்த விண்மின்களும் தரை இறங்கும்
உந்தன் பாசம் சுவைத்திடவே

நீ வாடி நின்றால்
உள்ளம் தான் தாங்காதே!
நீ ஓடி வந்தது
அணைத்திட்டால் எந்தன்
இன்பம் என்றும் விலகாதே !

நீ கோபம் கொண்டு
முகத்தை திருப்பிக் கொண்டால்
என்ன செய்வேன் என் மகளே
உன்னைச் சிரிக்க வைக்க
முழு முட்டாளாக ஆவேனே!

காலமெல்லாம் நீ சிரிக்க
அதைக் கண்டு நான் ரசிக்கவும்
கண்ணீரை நான் மறைத்து
உன்னோடு சிரிப்பேனே!

பறவைகள் போலே
நீயும் சிறகடித்து பறந்திடு!
அந்த நிலவினைப் போலே
நீயும் புன்னகையில் ஒளி வீசிடு!

நீ காட்டும் அன்பிற்கும்
விண்ணிற்கும் இல்லையே எல்லை !
எந்த பிறவியில் ஏது பணி செய்து
இந்த ஜென்ம பந்தத்தின்
கடனை நானும் தீர்ப்பேனோ?
உலகம் உறவாக கொண்டேன்
இன்று உலகமே நீ என்று வந்தேன்
உணராத அன்பை உணர்ந்தேனே
உனக்குள்ளே எனக்காக
என் தேனே செந்தேனே
என் உயிர் நீ தானே
உறவானாய் உயிரானாய்
உறவுக்கு உயிரானாய்
என் உயிரே எனக்குள்ளே
எந்நாளும்

உனக்குள் வாழும்
என்னை என் உயிர்
இந்த உடல் பிரிந்தாலும்
நான் வாழ்வது நிச்சயம்

Vision & Vision Problems

பத்து குழந்தைகள் ஒன்றாக கூடும் இடத்தை பார்க்கவும்
குறைந்தது ஐந்து குழந்தைகள் மூக்கு கண்ணாடியோடு இருப்பார்கள், இன்று எட்டு குழந்தைகள் கண்டேன், ஏழு கண்ணாடியுடன்…… இதற்கு யார் காரணம், பேற்றோர்கள் மட்டுமா? இல்லை நானும் நீங்களும் தான்….

I was really depressed to see a group of students going with specs who were just 10-12 years old. out of 8 students, I counted that 7 of them were in specs.This is not eye deficiency alone… It is a nation’s deficiency. In front of our eyes we are killing the future of our next generation.

It is really annoying issue that we don’t care about the society and the issues that are going around us. is it the kids problem or the environmental issue? I am sure that it is not the kids or the parents issue alone, as 90% of them are using glasses these days. All the ailments come to the kids in young age itself.

why don’t we give care to protect our environment…??

சுற்று சுழல் எனக்கும் அதற்கும் சம்பந்தம் இல்லை…. உனக்காக இல்லை உன் வருங்காலத்திர்காகவவது

கொஞ்சம் தேசத்தை நேசியுங்கள், சின்ன சின்ன விஷயம், செய்ய முடியுமே நம்மால்…

  1. குப்பைகளை குப்பைத் தொட்டியில் போடவும்
  2. பிளாஸ்டிக் பைகள் தவிர்க்கவும்
  3. வாகனங்களை சரியாக பராமரிக்கவும், புகை இல்லாமல் பார்த்துக் கொள்ளவும்.
  4. தேவை இல்லாமல் வாகனங்களை தவிர்க்கவும், பயணம் செய்ய பேருந்துகளை உபயோகிக்கவும். (எல்லா நேரமும் முடியாது, முயன்றால் முடியும்)
  5. காரில் போகும் போது – இன்னும் மூன்று நண்பர்களையும் பிக்அப் செய்யவும் (car pooling) (பெட்ரோல் சேமிக்கவும்)
  6. கூடுமானவரை உணவு வகைகளை வீணாக்காதீர்கள் (உணவு இல்லாமல் நித்தம் தவிப்போர் எண்ணற்றோர்)

 

 

ஆசை பேராசை

ஆசைக்கும் பேராசைக்கும் ஒரு சிறிய வித்தியாசம் தான்
தனது விருப்பங்களின் தனது கட்டுக்குள் வைத்திருந்தால் அவை ஆசைகளாகும்.

ஆசைகள் தனது நிலைக்குள் இருப்பது பேராசை என்பது தன்னை யார் என்ற நிலை அறியாது வைப்பது…..

ஆசைகளை வளர்க்காமல் இருந்தால் வாழ்வில் முன்னேற்றம் என்பது இருக்காது, ஆனால் அவை பேராசை ஆகும் போது மட்டுமே ஆபத்து நிறைந்தது ஆகிறது.

அனைத்தும் எனக்கு மட்டுமே வேண்டும் என்பதில் இருக்கிறது பேராசை – இன்றைய அரசியல், விளையாட்டு துறை, சினிமா, பத்திரிகை துறை, என அனைத்திலும் பேராசை மட்டுமே இருக்கிறது

நாங்கள் இந்த பேராசை கும்பலில் சிக்கித் தவிக்கிறோம். எங்கனம் என் தமிழ் மக்கள் எழுந்து நிற்க முடியும்?

நான் பெறாத செல்வமே

என் முன் தோன்றிய

மழலை முத்தே

தேடுகிறேன்  நீ எங்கே

தொலைத்தால் தேடிடலாம்

என் கண்ணே உன்னுள்

என்னை தொலைத்ததால்

தேடுகிறேன்  நீ எங்கே

நான் தேடும் முன்

என் கண்முன்னே வந்த

என் தேன் கனியமுதே,

தேடுகிறேன்  நீ எங்கே

நான் தரும் முன்பே

உன்னுள் வந்த பாசம்

எந்தன் நேசமே

தேடுகிறேன்  நீ எங்கே

வந்து விடு கண்மணியே

தந்துவிடு என் உயிரான

உன் அன்பினை

தேடுகிறேன்  நீ எங்கே

mazhalai

ப்ரியமானவளே

பொன்மகள் இவள் 
என்னை கொஞ்சிடும் போது
முழு மதியது அவள் முகத்தினில் கண்டு 
என் மதியது செயல் இழக்கும்,
உடல் முழுவதும் வண்ணத்து பூசிகள் சிறகடிக்கும். 
 
பொதுவாக தங்கமே செல்லமே என்று
மகள்களை அன்னையர் கொஞ்சிடுவர் 
மகளவள் தங்கமே என்று சொல்லும் நொடியில்
நான் நெருப்பில்லாமல் நீரினில் உருகுகிறேன் 
மங்கையவள் கொஞ்சும் நேரம் 
மழலையாகவே  மாறிவிடுகிறேன்  
 
ஆறாத கோபம் கொண்டாலும் 
தங்கம் கோபமா என்று அவள் கேட்டிடும் போது 
சூரியனை கண்ட பனி போல
என் கோபங்கள் ஓடி ஒளிந்து கொள்ளும்
அவளது ஏற்றத்தில் மட்டுமே
எனது அக்கறை யாவும் என்று உணர்ந்ததினால்
தனது சீற்றத்தை எனக்கு
சீதனமாக கொடுத்திட்டால்
மகளுக்கு மதம் பிடிக்கும்
ஆனால் மதம் பிடிக்காது
மதம் அது பிரச்சனை ஆனால்
மதம் அதை உனக்காக தூக்கி எறிவேன்
நீ நானாகவும் நான் நீயாகவும் இருக்கும் போது
அன்பு நிலையாக இருக்குமேயானால்
இந்த இந்துவின் இதயத்தில் இஸ்லாம் குடியிருக்கும்
எல்லா மதமும் சம்மதம் ஆகும் என் உயிரே
பாவை அவள் பேனாவை கையில் எடுத்தால்
எழுதும் பாக்கள் அத்துனையும் அவள் அன்னை எனக்காகவே
இதயமது அவளுக்காக துடிக்க மறந்தாலும் எனக்காக துடித்துக் கொண்டே இருக்கும் நான் இறந்த பிறகும் என்பதில் சிறிதும் ஐயம் இல்லை
motherhood

உனக்காக மட்டும்

motherhood-1

என் ஆழ்மனதில் புதைத்து

வைத்த அத்தனை ஏக்கத்திற்கும்

என் அன்பிற்கு மொத்தமாய் 

சொந்தமானவளே

எனக்கே தெரியாமல் 

ஏக்கங்களுடனும் 

பல கனவுகளுடனும் 

காத்திருக்கிறேன்
என் கருப்பையை மூடிவைத்து 

கடவுளின் முன்னால் 

கையேந்தவில்லை 

மனமுருகவில்லை

பிரார்த்தனை இல்லை 

என் மகள் உன் மகன் என்று 

பிரித்து பார்த்ததும் இல்லை 

அனைவரும் சமம் எனவே இருந்தேன் 

 motherhood-4

என்னை ஆட்டிவைக்கும் 

அதிகாரம் எடுத்தவளே 

உன் அன்பினில் உருகிடவே

உனக்குள் உறைந்திடவே 

என் உயிருக்குள் கலந்திட்டவளே  

உன் அன்னையாக நான் இருந்திடவே
என் கருவறைக்குள் அடிஎடுத்து
வைத்திடத்தான் நீ ஓடிவா

என் அன்பு செல்வமே!!! 

வயிற்றினில் சுமப்பது வலியா?

இதயத்தின் சுமப்பது வலியா? 

எனது கேள்விகள் என்னையே கொல்கிறது.

என்னருகே நீ இருந்தால்

உன்னருகே நான் இருந்தால் 

அதுவும் இதுவும் எதுவும் சுமை அல்ல 

தொடும் தூரம் நீ இருந்தால் 

அனைத்தும் சுகமாகும்.

கண்ணுக்குள் நீ இருந்தாலும் 

கண்களுக்கு அருகினில் நீ இல்லை

அனைக்கும் ஆசை இருந்தும் 

கைகளுக்கு நீ எட்டுவது இல்லை 

View More: http://sparklingfootsteps.pass.us/nikki-maternityfamily

முத்தமிட நான் நினைக்க 

முத்தம் ஒன்றை நீ கொடுக்க 

அந்த செவ்விதழ் சத்தம் 

ஒன்றை மட்டுமே பரிசாக

செவி வழி கொடுக்க சொர்க்கம்  

எனவே நான் நினைப்பேன்

அந்த சத்தத்தை – உன்

இதழ் எச்சில் என்னவென்று

நான் அறியாதிருந்தால் 

 

கருவினில் சுமந்திருந்தால் 

10 மாதம் மட்டுமே சுமையாவாய் 

மனதினில் கருவாகவே 

உன் உருவத்தைச் சுமப்பதினால் 

என் ஆயுள் வரை இருந்திடுவாய் 

என் இதயத்தின் அன்பு

சிறைக்குள்ளே ஆசை சிசுவாகவே 

எனக்குள்ளே இருந்திடுவாய், 

நீ பிள்ளைகள் பல பெற்றாலும் 

என்றும் எனக்கு குழந்தையாகவே 

 motherhood-2

சுகமான சுமையாக உன்னை 

சுமக்கவே நினைக்கிறேன் 

அழகன வரமாய் வசந்தமாக 

வாவென கேட்கிறேன் 

உன் கருவிழிக்குள்ளே

என் முகம் புதைத்து 

உன் விழி வழியே

என்னை பார்த்திடவே  

நமக்கான புது உலகினை

உறவினை  படைத்திடவா

தங்கமவள் பசி அறியவில்லை 

முலையமுது தரவில்லை 

என் தேகம் இழைத்தும்

உயிரைக் கரைத்தும் அதில் 

தாய்மை குழைத்து 

உனக்கெனவே 

என் ஆயுள் முழுதும் 

அன்பைச்  சோரக

ஊட்டி விட வர வா…. 

பாசத்தை இலக்கணமாக்கி 

மௌனத்தை இலக்கியமாக்கி 

தேனொழுகும் மொழிதனை 

உனக்கு கற்று தரவில்லை 

ஆனாலும் நீ பேசிடும் அனைத்தும் 

தேன்மொழியாகவே தித்திக்கிறது 

தனிமை என்பதே நம் இருவருக்கும் 

இனி இல்லை 

நீ பேசிய அன்பான வார்த்தைகளும்

உன் விரல்கள் பேசிய 

அன்பான வருடல்களும்

நீ சிரித்த சிரிப்பும் என் உயிரோடு 

கலந்து விட்ட ஓவியம்

வந்து போவதில்லை உன் நினைவுகள்

என்றும் என்னுடன் நீ இருப்பதால் 

நீ  பேசிய வார்த்தைகள் 

அனைத்தும் இனிக்கிறது 

இருந்தும் நீ சொன்ன இவ்வரிகள் 

கடைசி வரை சேர்ந்தே இருப்போம்

பிரிவு என்பது மரணம்

ஒன்றால் மட்டுமே நிகழும்.