Archive | June 2010

தவறுகள்-முடிவுகள்

முடிவுகள் எடுக்க நல்ல தருணம்

மனதில் அமைதி இல்லாதபோது முக்கியமான முடிவுகள் எடுக்க வேண்டியதை தவிர்க்கவும்.

ஏதோ தவறு செய்ய நேர்ந்தாலோ, அல்லது தவறான காரியத்தின் வாயிலாக கற்ற பாடத்தை மனதில் நிறுத்தினால் போதுமானது. தவறுகளை திருத்திக் கொள்ள முடியும். ஆனால் நாம் கலவரப் பட்டு கழிக்கும் தருணங்கள் திரும்பவும் கிடைக்காது. ஒரு தவறு மேலும் பல தவறுகளைச் செய்ய நேரிடும்.

எப்போது ஒரு தவறினை மனதில் மிக ஆழமாக பதித்துக் கொள்கிறோமோ அப்போதே நாம் மேலும் பல தவறுகளை செய்ய ஆயத்தமாகிறோம் என்பதனை நினைவில் கொள்ள வேண்டும்.

ஒரு பிரச்சனையை பலமாக மனதில் போட்டுகொள்வதால் நாம் பலவீனமடைகிறோம்.

பதறிய காரியம் சிதறும் என்பது போல, மனது அமைதி இல்லாத நேரம் நாம் எடுக்கும் முடிவுகள் எல்லாம் சமயத்தில் தவறானதாக இருந்துவிடும்.

சிறிது கலவரப்பட்ட நிலையில் இருக்கும்போது, நமது மனது கலங்க ஆராம்பித்து விடுகிறது. கலங்கிய நிலையில் இருக்கும்போது நம் மனது நம்மிடம் இருக்கும் நிறைகளை கடந்து வெறும் குறைகளை மட்டுமே கிளறி தூசி தட்டி எழுப்பும்.

பதறிய மனதில் அன்பான மனைவி, அழகான குழந்தைகள், இனிமையான இல்லம், சுவையான வாழ்க்கை என்று எல்லாவற்றையும் தவிர்த்து விட்டு கிடைக்காத கடனையோ, களவு போன பொருளைப் பற்றியோ, தவற விட்ட சந்தர்ப்பங்கள் இவை மட்டுமே சிந்திக்கும்.

இந்த தருணத்தில் எடுக்கப் படும் முக்கியமான முடிவுகள் கண்டிப்பாக தவறாகும் என்று சொல்லவில்லை, ஆனால் நல்ல பலன்களை குறைக்கும். ஆகையால் மனதினை அமைதியாக செயல்படும் போது மட்டுமே முடிவுகள் எடுக்க வேண்டும் என்று எப்போது மனதில் நிறுத்திக் கொள்ள வேண்டும்..

எப்போதும் மனதினை திறந்து வைத்திருத்தல் மிகவும் நல்லது, அடுத்தவரின் உபதேசங்கள், அறிவுரைகள், யோசனைகளைக் கேட்டு சுயமாக முடிவு எடுக்கவேண்டும். புதிய விஷயங்களை அறியவும், தெரிந்த விஷயத்தை அசைபோடவும், நமக்குத் தேவையான வேலைகளை மிகவும் நல்ல முறையில், இன்னும் பல நுனுக்கங்களுடன் செய்ய முடியும்.

தவறுகள் இன்றி நாம் நடக்க நாம் கடவுள் அவதாரம் இல்லை, கடவுள் அவதாரமாக நாம் போற்றபடும் பல அவதாரங்களிலும் தவறுகள் நடந்ததாகவே இருக்கிறது. மனித வடிவில் கடவுளே வந்தாலும் தவ்றுகள் என்பது இருக்கும்.

தவ்றுகள் திருத்திக் கொள்ளவே, தண்டிக்க அல்ல, ஆகவே தவறினில் இருந்து மீள நான் பாடம் கற்றேன் என்று இருப்பதே நன்று.

Advertisements

தாமதம் வேண்டாமே ! ! !

லேட்டா வந்தாலும் லேட்டஸ்டா……

லேட்டா வந்தாலும் லேட்டஸ்டா என்ற இந்த வசனம் என்னை கொஞ்சம் சிந்திக்க வைத்த்து. இதை ரஜினியின் சூப்பர் வசனமாக மட்டும் நினைத்தால் ஆஹா ! ! அருமை என்று விசில் அடித்து ஆடிக் கொண்டாடி இருப்பேன் சராசரி ரசிகையாக இருந்தபோது. அதையும் மீறி கொஞ்சம் லேட்டா போய் ஒரு விமானத்தை தவற விடும் வரை.

இது நடந்து நான்கு ஐந்து ஆண்டுகள் இருக்கும். ப்ளாகிட ஆரம்புத்தவுடன் சின்ன சின்ன விஷயங்களும் என் மனதில் மிகப் பெரிய பாதிப்புகளை உண்டாக்குவதை இந்த விஷயம் எனக்கு மிகவும் உணர்த்தியது…

காலம் கடந்தாலும் இது என் நினைவில் இருப்பதற்கு காரணம் என்ன என்றால் ஒரு தீபாவளி பண்டிகையை நான் தவற விட்டேன் என்பதாலோ…

லேட் இந்த வார்ட்தைக்கு தமிழ் வார்த்தை தாமதம், இதை மட்டும் பார்ப்போம் நாம்.

அன்றாடம் நம்ம வீட்டில் சின்ன சின்ன விஷயத்தில் இருந்து, பெரிய பெரிய கார்போரேட் கம்பனிகள் வரை இது சர்வ சாதரணமாக சொல்லப்டும் ஒரு வார்த்தை….

நாம் இதை தவிர்க்க வேண்டிய விஷயம். மிக சாதரண்மாக சொல்ல வேண்டுமானால் நாம் எழுந்திருக்க வைக்கும் வைக்கும் அலாரம் அடித்தவுடன் அலறி அடித்துக் கொண்டு எழுந்து இருக்க வேண்டியதில்லை ஆனால் தாமதம் ஆகுமே என்று ஒரு நொடி சிந்தித்தால் உடனே எழுந்துவிடுவோமே….

பஸ்சில் செல்வதாக இருந்தாலோ இல்லை சுயமாக வாகனத்தில் செல்வதாக இருந்தாலோ பத்து நிமிடம் முன்னாதாக கிளம்புவதால் வழியில் ஏற்படும் நெரிசலால் சிக்கி தாமதம் ஆவதை தவிர்க்கலாம்.

காலையில் குழந்தைகள் பள்ளிக்கு செல்லும்போது, மெதுவாகப் பார்த்து செல்லவும் என்று சொல்லாம். ஆனால் பள்ளிக்கு லேட்டா போக கூடாது, சரியான நேரத்திற்கு செல்லவேண்டும் என்று சொல்லி வளர்ப்பது மிகவும் நல்லது.

பெற்றோர் அழைத்துச் செல்லும் பிள்ளைகளிடம் எந்த ஒரு காரியமாக இருந்தாலும், நேரத்திற்கு செல்ல வேண்டும், தாமதமாக செல்லகூடாது என்று சொல்லி வளர்ப்பது நன்று.

ஆரம்பித்து விட்டேன் எப்படி முடிக்க வேண்டும் என்று யோசித்தில் தான் இந்த தாமதம். இதை எழுத ஆரம்பித்து ப்ளாகிட தாமதம் ஆனதற்கு மன்னிக்கவும். தாமதம் வேண்டாமே என்று முடித்திடுகிறேன் மேலும் தொடரும்…..

காவல்துறையின் கர்வம்

22-ஜூன், அபுதாபி

அழகிய அபுதாபியில் ஒரு அற்புதமான நிகழ்வு…

அபுதாபியில்  என்று இல்லை, சென்னையிலும் நான் சாதரணமாகவே போக்குவரத்து விதிகளைப் பெரிதும் மதிப்பவள். அது என் உடன் பிறந்தது, என் அன்னை போக்குவரத்து துறையில் பணி புரிந்ததால் எனக்கு சாலை விதிகளை மீறுவது பிடிக்காது. பிடிக்காது என்பதைவிட கடைபிடிப்பேன் என்று சொல்லலாம்.

நான் அபுதாபி வந்ததிலிருந்து நம்மளோட பக்க பலமான வாகனம் என்பது இல்லாமல் தவித்தாக தெரியவில்லை, ஏன் எனில் நான் தங்கி இருக்கும் இடத்திற்கும், அலுவலகத்திற்கும் நடந்து செல்லும் விதமாக அமைந்தது.

இருப்பினும் நான் பல க்ளையண்ட்களை கையாள்வதால், சில நாட்கள் வெளியில் பயணிக்க நேரிடும். அப்படித் தேவைபடும் போது நான் டாக்ஸி எடுப்பது வழக்கம்.

என்ன ஆச்சரியம், அற்புதம்னு சொல்லிட்டு எதுவும் இல்லையே என்று முனுமுனுப்பது தெரிகிறது.

எப்போதும் போல ஒரு க்ளையண்ட் அலுவலகத்திற்கு செல்வதற்காக ஒரு டாக்ஸிகாக காத்து இருந்தேன், ஒரு டாக்ஸி வந்தது, அந்த ஓட்டுனரோ தனது டாக்ஸியை சரியாக நிறுத்தாமல் கோனலாக அடுத்த வாகனம் செல்ல வழியின்றி நிறுத்தினார். நான் அவரை சரியாக நிறுத்தும்படி கூறும் நேரத்தில் பின்னர் வந்த காரிலிருந்தவர் ஒலி எழுப்பியதால், வேறு வழியின்றி நான் அந்த டாக்ஸியினில் ஏற வேண்டிய நிர்பந்தம்.

நான் அமர்ந்தவுடன் டாக்ஸி புறப்பட்டது, ஆனால் பின்னால் வந்த காரிலிருந்தவரோ விடுவதாகத் தெரியவில்லை. எங்கள் அருகினில் வந்து ஓட்டுனரை டாக்ஸியை நிறுத்தும்படி கூறினார், நிறுத்து, அல்லது காவல்துறைக்கு சொல்வேன் என்றார். இருப்பினும் டாக்ஸி ஓட்டுனர் நிறுத்தவும் இல்லை, நான் சொல்லிய திசையில் வாகனத்தைச் செலுத்தவும் இல்லை.

திரைப்படங்களில் வரும் சேஸிங்க போல விடாது துரத்தினார், அந்த காரில் இருந்த நபர். அரபு நாட்டவரின் உடையில் இருந்த்தால் அவர் இந்த நாட்டவராக இருக்க்கூடும். எதற்காக துரத்துகிறார் என்று எனக்கு தெரியாமல் விழித்தேன். டாக்ஸியை நிறுத்தச் சொன்னாலும் நிறுத்தாமல் சென்றான்.

நான் இருந்த டாக்ஸி ஓட்டுனருக்கு வயிற்றினில் புளி கரைத்தது, எனக்கும் தான். என்னடா இது அலுவலகத்திற்கு நேரமாகிவிட்டதே, இந்த பயணம் எங்கு முடியப்போகிறது என்ற கவலையும் வந்தது.

கடைசியாக டாக்ஸி ஓட்டுனர் வந்து மாட்டிக்கொண்டது ஒரு முட்டுச் சந்தில். அப்பாடா என்று இருந்தது, உடனே டாக்ஸியில் இருந்து இறங்கினேன். சற்றும் மனம் தளாராத விக்ரமாதித்தன் மாதிரி தொடர்ந்து வந்த அந்த காரில் இருந்தவர் சிரித்த படி தன்னுடைய காரினில் அம்சமாக அமர்ந்திருந்தார். அவர் பார்த்த பார்வை எங்கேடா போவே என்பது போல இருந்தது.

அவர் அந்த ஓட்டுனரை அருகினில் வரும்படி செய்கைச் செய்தார். நான் என்ன செய்வது என்று அறியாமல் விழித்தேன். இருவருமே வேற்று நாட்டவர்கள். திக்கு தெரியாத திசையில் மாட்டிக் கொண்டோமோ என்று நினைத்தபடி வேடிக்கைப் பார்த்தேன். (வேறு என்ன செய்ய முடியும்). ஓட்டுனரை தன்னுடைய ஓட்டுனர் உரிமம்  எடுத்துவரச் சொன்னார்.

அரபு நாட்டவர் தன்னுடைய ஐடி கார்டை எடுத்து காட்டினார். தான் ஒரு காவல் துறை அதிகாரி என்று அப்போதுதான் எனக்கு சுவாசமே வந்தது, இருந்தாலும் ஒரு மெல்லிய பயமும் இருந்தது. தேவையில்லாமல் எதாவது பிரச்சனையில் சிக்கிவிடுவோமோ என்று.

அவர் அவனது உரிமத்தை தன் கையில் வைத்துக் கொண்டு, நீ புறப்படு, பிறகு வந்து அபராதத்தை கட்டி பின்னர் உரிமத்தைப் பெற்றுக் கொள்ளுமாறு கூறினார். அந்த ஓட்டுனருக்கு சர்வ நாடியையும் அடங்கச் செய்துவிட்டார்.

ஓட்டுனரோ என்ன செய்வது என்று தெரியாமல், என்னிடம் வந்து நீ அவரிடம் பேசு என்றார். நான் ஏற்கனேவே பயந்து இருக்கிறேன், உன்னால் எனக்கும் இப்போது பிரச்சனை, அப்போதே நிறுத்தி இருந்தால் இந்த பிரச்சனை இல்லை என்று அவனிடம் கோபத்தக் காட்டி, அந்த காவல் துறை அதிகாரியிடம், இவனை மன்னித்துவிடுங்கள், ஏதோ தெரியாமல் செய்து விட்டான் என்று.

அவன் எப்படியோ எல்லாம் வண்டியை ஓட்டினான், எனக்கு இந்த அபுதாபியின் அத்தனை வீதிகளும் அத்துபடி எங்கு போக முடியும். நிஜமாக அவரது வேகம், தன்னுடைய தொழிலில் உள்ள நேர்மையை கண்டு வியந்தேன்.

நான் இவனுக்காக பின்னால் துரத்தி வரவில்லை, உனக்காக தான் வந்தேன், இவனது போக்கு சரியில்லை, இவனை மன்னிக்கமுடியாது. யோசித்து பார், நீ இந்த வண்டியில் ஏறுவதற்கு முன்னர் என் வண்டியோ அல்லது வேறு வண்டியோ வந்து இடித்து இருந்தால் என்ன ஆகி இருக்கும். உன் வாழ்க்கை அல்லவா முடிந்து இருக்கும், இங்கு வாகன்ங்கள் 80 கி.மீ வேகத்தில் வரும், அவனுக்கு ஒன்றும் ஆகாது, மிஞ்சினால் அவனது வாகனத்திற்கு கொஞ்சம் சேதம் வரும், அதுவும் அவனக்கு ஒரு பெரிய விஷயமில்லை.

உனக்காகவே நான் வந்தேன். எங்கள் நாட்டில் நிம்மதியாக எல்லோரும் இருக்கவேண்டும், ஆபத்து இல்லை என்று ஆனந்தமாக இருக்கவேண்டும். உன்னுடைய பாதுகாப்பு மிகவும் முக்கியம். இந்த நாட்டிற்கு வந்தால் பாதுகாப்பாக இருக்க முடியும் என்று அனைவரும் நினைக்கவேண்டும். இவன் இன்று டாக்ஸி செலுத்தியவிதம் என்னை  கலவரப்படச் செய்தது என்றார்.

ஒரு நல்ல காவல்துறை அதிகாரியைப் பார்த்த சந்தோசம் எனக்கு, இருந்தாலும் அந்த ஓட்டுனரின் நிலைமைப் பார்த்தால் பரிதபமாக இருந்தது. அவனுக்காக பேசுவதா இல்லை என் பாதுகாப்பு கருதும் இவரிடம் அவனை மன்னிக்க எப்படி சொல்வது என்று யோசித்தேன்.

ஓட்டுனரிடம் அந்த காவல்துறை அதிகாரியிடம் மன்னிப்பு கேள், நானும் பேசுகிறேன் என்றேன்.

ஓட்டுனர் அவரிடம் மண்டியிட்டு மன்னிப்பு கேட்டு அரபு மொழியில் எதோ பேசினார். பாகிஸ்தானைச் சேர்ந்த ஓட்டுனர் என்பதால் அவருக்கும் அரபு மொழித் தெரிந்து இருந்தது போல இருக்கு…

ஓட்டுனரோ மண்டியிட்டபடி இருந்தார். தான் இதயபூர்வமாக மன்னிப்பு கேட்பதாக கூறினார். என்னைப் பார்த்து, நீங்கள் என்னுடன் வாருங்கள் உங்களை பத்திரமாக விடுகிறேன் என்றார்.

அப்போதும் அந்த காவல் துறை அதிகாரி அவனை மன்னிப்பதாக தெரியவில்லை. எனக்கு தாமதமாவதால், அவரிடம் சென்று எனக்கு அலுவலகத்திற்குச் செல்லவேண்டும் என்றேன், அந்த அதிகாரியோ நீ இந்த டாக்ஸியில் செல்ல அனுமதிக்க மாட்டேன், என்னுடன் வா நான் உன்னை உன் அலுவலகத்தில் விட்டுவிட்டுச் செல்கிறேன் என்றார். வேறு வழியின்றி அவரது படகு போன்ற காரினில் அமர்ந்தேன். பயம் இப்போது கொஞ்சம் அதிகமானது. இருந்தாலும் வெளிக்காட்டிக் கொள்ளவில்லை.

உனக்கு தான் ஆபத்து அதிகமாக இருந்து இருக்கும், பயந்து இருப்பாய் இந்த வண்டியில் வந்தபோது, நீ சொல்லு அவனை மன்னிக்கலாமா என்று கேட்டார். ஐயா அவன் செய்தது தவறு தான், ஆனால் இந்த முறை மன்னிக்கவும். என்னால் ஒருவன் தண்டனைப் பெற்றதாக இருக்க்கூடாது. இவனுக்காக இல்லை, இவன் குடும்பதினரை மனதில் கொண்டு சொல்கிறேன். இவனது இரண்டு மாத வருமானத்தை நீங்கள் அவனுக்கு அபராதமாக விதித்தால் இவனது குடும்பம் தவிக்கும் என்பதால் மன்னிக்கவும் என்று கூறினேன்.

நீ மன்னிக்கலாம் என்று சொல்வதால் இவனை மன்னிக்கிறேன். என்னால் யாரும் மனக் கஷ்டத்துடன் செல்லகூடாது என்று கூறிய போது அவருள் இருந்த மனித நேயத்தைக் கண்டேன்.

பிறகு அவர் என்னை என் அலுவலக வாயில் வரை விட்டுவிட்டு, ஏப்போது எந்த பிரச்சனை என்றாலும் 999க்கு போன் செய்யவும் என்றார். அந்த நல்ல மனிதரிடம் ஒரு ஆட்டோகிராப் வாங்கவேண்டும் என்று நினைத்தேன் ஆனால் அவரிடம் அவரது பெயரை மட்டும் கேட்டு விடை பெற்றேன். சையது – என்ற அந்த மனிதருக்கு மனம் நிறைந்த வாழ்த்துக்கள்….

ஆறுதலாக பேசியவிதமும், அட்டகாசமாக கதற வைத்த விதமும் சூப்பர்.

நம்ம நாட்டுக் காவல்துறை அதிகாரிகள் பல நல்லவர்களை சந்தித்து, பல பிரச்சனைகளை சமாளித்து இருக்கிறேன். இருந்தாலும் எனக்குள் ஏன் நம்ம நாட்டில் இது போல ஒரு நபரை சந்திக்க முடியவில்லை என்று ஒரு சிறிய ஏக்கம் வந்தது.

காவல்துறையின் கடமை கண்ணியம் கட்டுபாடு என்பதனை திரைப்படங்களில் மட்டுமே பார்த்த எனக்கு இது ஒரு புல்லரிக்கும் சம்பவமாக இருந்தது…

நம்முடைய தேசத்திலும் இது போல நடந்தால் காவல்துறையைப் பற்றி நாங்களும் கர்வம் கொள்வோம்.

ராவணன்

அபுதாபி , 18 ஜுன் 2010

ராவணன் மணிரத்னத்தின் பிரமாண்ட படைப்பு  நேற்றே வெளியானது. ஆஹா மணிரத்தனம் படம். மௌனராகம், நாயகன், அக்னி நட்சத்திரம், திருடா திருடா, இருவர், ரோஜா என்று பல நல்ல படங்களைத் தந்தவர் ஆச்சே, அதுவும் நீண்ட இடைவெளிக்கு பிறகு வரும் மணிரத்னத்தின் தமிழ் படம் என்பதால் சசிகுமார் கேட்டவுடன் இரவு காட்சி ஆனாலும் பரவாயில்லை என்று சொன்னேன்.

எந்தப் படத்திற்கும் கதைக்காக சிரமப் படாதவர் தான் இந்தப் படத்தின் இயக்குனர். ஒரு நூலின் நுனியாக ஒரு கதைக் களத்தைத் தேர்ந்து எடுத்து அதை வைத்து ஒரு சேலையே தரிக்கும் வித்தை தெரிந்ததால் இன்னும் பிரபல இயக்குனர் வரிசையில் இருவது ஆண்டுகளாக இருக்க முடிகிறது என்று நினைக்கிறேன்.

ஏற்கனவே தளபதியில் மஹாபாரதத்தின் கதையில் வெற்றி கண்டவர். இப்போது இராமாயணத்தை தேர்வு செய்துள்ளார். இதற்கு எதற்கு இத்தனை ஆண்டு இடைவெளி என்று தான் தெரியவில்லை.

ராவணனின் நூல் (கதை) என்ன சீதையை கடத்தியது, ராமன் அவரை மீட்பது தான்!

ஐஸ்வர்யா ராயுடன் பல வெற்றிப் படங்களைத் தந்தவர் தான் நம்ம இயக்குனர். இப்போதும் ஐஸ்வர்யா பச்சனிடம் அதே அழகு  ஆஹா என்ன அழகு, இவரின் அத்துனை அழகையும் மொத்தமாக காண்பித்து உள்ளார். ராமனின் நாயகியின் கதாபாத்திரத்தில் இன்று ராவணன் திரை கதையின் நாயகியாக நடிப்பிலும் தூள் கட்டி பறக்கிறார் ராகினியாக. விக்ரமிடம் சீறிப் பாயும் போதும் சரி, கடவுளிடம் பொருமுவதிலும், கடைசிக் காட்சியில் விக்ரம் மீது வரும் காதல் உணர்வை காட்டியவிதம் சூப்பர்.

ராவணன் நாயகன் விக்ரம் : கச்சிதமாக செய்துள்ளார், ஆழமான நடிப்பு என்று சொல்லுவதற்கு ஒன்றும் இல்லை ஆனாலும் அவரது பங்கினை சரியாக செய்துள்ளார்.

பிருத்வி ராஜ் நல்ல நடிகர் தான். ஆனாலும் கதைக்கு ஒட்டவில்லை. ஐஸின் நாயகனாக கொஞ்சமும் ஏற்றுக் கொள்ளமுடியவில்லை. மலையாள தமிழில் எப்போதும் கத்திக் கொண்டு வருகிறார். டி.எஸ்.பி. தேவ், ஐஸ்வர்யாவின் காதல் கணவன்.

ராவணனின் தங்கையாக ப்ரியாமணி அய்யோ டா ! ! ! ஐஸ்வர்யாவையும் சாப்பிட்டுவிடுவாரோ என்று அவரது காட்சிகள் குறைக்கப்பட்டதோ ?? பருத்தி வீரன் நாயகி, பாசமான தங்கையாக சில நிமிடங்களே வந்தாலும் அதுவே படத்தின் நிறைவான காட்சிகளாக என் மனதில் நின்றது.

பிரபு – கும்பகர்ணனை நினைவுபடுத்துவதற்காக கதையில் சேர்க்கப் பட்டு இருந்தாலும், அவரது உடம்பு இருக்கும் அளவுக்கு நடிப்பில் அசத்தியுள்ளார்.

கார்த்திக் – பல ஆண்டுகளாக பார்க்காத காரணத்தினால் அவரது வருகை இதமாக இருந்ததாலும், மௌனராகம், அக்னி நட்சத்திரம் என அமர்களாமான தளம் தந்தவர் இந்தப் படத்தில் அனுமானாக சும்மா டம்மி பீஸாக்கி விட்டார் மணி.

ஏதோ அமர்களமாக வருவார் ரஞ்சிதா என்று எதிர்ப்பார்த்தால் ஒரு வரி வசனம் பேசினாரா என்று யாரவது சொல்லுங்கோ…

தங்கையின் சாவிற்கு காரணமானவனை பழிவாங்குவதாக சொல்லும்போது, அங்கு ஐஸிடம் ரியாக்‌ஷன் மிஸ்ஸிங். கடவுளுக்கு இனையாக கருதபடும் காதல் கணவன், ஒரு பெண்ணை கற்பழித்து அவள் சாவதற்குக் காரணமுமாகிறான் என்று கேள்விப்பட்டவுடன் வரும் ஏமாற்றம் எங்கே போச்சுங்கோ ?

தேவ் ராகினியைக் காப்பாற்றி போகும்போது அவரிடம் சந்தேகமாக பேசுவது மிக அபத்தம் என்றால் அதற்காக ஐஸ் ஓடும் ரயிலை  நிறுத்தி கீழே இறங்குவது எல்லாம் என்ன சொல்ல போங்க ! ! ! காதலில் கதை மறந்துட்டாங்கோ.

ராவணனின் ஹீரோ விக்ரமா? அல்லது ராமனாக வருவதாக கருதபடும் பிருத்வி ராஜை சொல்வதா? ஒரு பெண்ணை கற்பழித்து கொன்றவனை எப்படி ராமனாகவும் ஹீரோவாகவும் சொல்வது.

ராவணனாக சீயான் விக்ரம் வெளுத்து வாங்கி இருந்தாலும், அது என்ன பக் பக் பக் என்றும், டண் டனா டண் டனா என்று கஷ்டப்பட்டு யோசித்து எழுதிய வைர வசனம் – வசனம் எழுதியது நம்ம ஜெயா தொலைகாட்சியில் மற்றவர்களை வெகு சுலபமாக விமரிசிக்கும் ஹாசினியா? சினிமாவை பல ஆண்டுகளாக சுவாசித்து வரும் குடும்பத்தில் இருந்த வந்தவர், ஞானம் உள்ளவர் எப்படி ஒரு சூப்பர் ஹீரோவுக்கு இது மாதிரி வசனம் எழுதினார்… ஆதிவாசியாகவே இருந்தாலும் இது கொஞ்சம் அதிகமே. அவர் பேசிய வசனம் பக் பக் பக் மற்றும், டண் டனா டண் டனா வை தவிர வேறு எதுவும் என் நினைவில் இல்லை.

மைனஸ்

வசனம் : மொத்தமுமாக கொலை…

படத்தில் பிரபு, கார்த்திக், ப்ரியாமணி, ரஞ்சிதா என யாருமே நான்கு காட்சிகளுக்கு மேல் இல்லை.

ராகினியின் மீது மோகம் கொள்ளும் வீரா அதை சொன்னவுடன் கோபமோ வெருப்போ காட்டாமல் அதை அமோதிப்பதாக காட்டியது ! !

இந்தப் படத்தை எடுக்க ஏன் இரண்டு ஆண்டுகள் ஆனது ???

ப்ளஸ்

முக்கியமாக மணியின் திரைப்படங்கள் இருட்டான படமாக இருக்கும், ஆனால் இந்தப் படம் இயற்கை சூழலில் மிகவும் ரம்மியமாக இருந்த்து.

மாடர்ன் ராமாயணம் எடுக்க முடியும் என்பது….

ஒளிப்பதிவு, இசை, கலை இயக்கம்,  சண்டை காட்சிகள், பாடல் காட்சிகள் என தொழில்நுட்ப விஷயத்தில் ராவணன்  மிரட்டியிருக்கிறது.

எது எப்படியோ ராவணன் கதாப்பாத்திரத்தின் கண்ணியம் காக்கப் பட்டுள்ளது.அடுத்தவன் மனைவியின் மீது ஏற்படும் காதலை வெளிப்படுத்தும் விதம், பழி வாங்க கொண்டு வந்த பாவையை சொக்கத் தங்கம் என்று அவள் கணவனிடம் சொல்லும் விதம் நன்றாக இருந்தது.

ஏ.ஆர்.ரஹ்மானின் இசையில் பாடல்கள் பரவாயில்லை.

இந்தப் படம் வெற்றி அடைந்தால் அதற்கான முழு காரணம் விக்ரம், ஐஸ்வர்யா,  மற்றும் ஒளிப்பதிவளராக தான் இருப்பார்கள்…. மணிரத்னத்தின் படங்களுக்குள் கதை, திரைக்கதை, காமெடி என்று எதிர்பார்த்தால் அது தான் காமெடிங்கோ…

Extraordinary or Ordinary

Two workers were approached by a reporter. The reporter asked the first worker, “What are you doing?” His response was to complain that he was virtually a slave, an underpaid bricklayer who spent his days wasting his time, placing bricks on top of one another.

The reporter asked the second worker the same question. His response, however, was quite different. “I’m the luckiest person in the world,” he said. “I get to be a part of important and beautiful pieces of architecture. I help turn simple pieces of brick into exquisite masterpieces.”

They were both right.

The truth is, we see in life what we want to see. If you search for ugliness you’ll find plenty of it. If you want to find fault with other people, your service, or the world in general, you’ll certainly be able to do so. But the opposite is also true. If you look for the extraordinary in the ordinary, you can train yourself to see it. This bricklayer sees cathedrals within pieces of brick. The question is, can you?

Look for the extraordinary in the ordinary

சிங்கம் – சூர்யா 25வது படம்

27-மே-2010, வியாழன், அபுதாபி

சிங்கம் – ஆஹா சூர்யாவை இன்னொரு முறை காவல்துறை அதிகாரியாக பார்க்கப் போகிறோமே என்று வேகமாக என் நண்பர் மஹேஷ் சிங்கம் படம் பார்க்க போலாமா என்று அழைத்தவுடன் வருகிறேன் என்று தலையாட்டினேன். அதுவும் ரீலீஸ் சென்னையில் 28 அன்று தான், நாங்கள் ஒரு நாள் முன்னதாகவே பார்க்கப்போகிறோம் என்பதால் இரட்டிப்பு மகிழ்ச்சியுடன் சென்றேன்….

எப்பவும் என்னுடன் படம் பார்க்க வரும் என் நண்பர் சசியை மறந்தும்கூட சென்றேன் எனலாம்… மன்னித்துக் கொள்ளவும் சசி.

காக்க காக்க திரைப்படத்தில் அதிகமாக அலட்டிக் கொள்ளாமல், அசத்தலான உடல் அசைவுகளால் அசத்தியிருந்தார். மற்றுமொரு காவல்துறை அதிகாரி படம் எப்படி இருக்குமோ என்று ஒரு பயமும், ஏற்கனவே முதல் நாளே சுறாவைப் பார்த்து சுட்டுக் கொண்ட எங்களுக்கு, பார்க்க அருமையாக இருந்தது வித்தியாசமான விளம்பரங்கள், சன் தொலைக்காட்சியின் ஆர்ப்பாட்டமான விளம்பர யுக்தி ஒரு உந்துதலை ஏற்படுத்தியது உண்மையே! ! ! ஒரு சபாஷ் சொல்ல வேண்டும் விளம்பர துறையினருக்கு….

இயக்குனர் ஹரியின் இயக்கத்தில், சூர்யாவின் 25வது படம் – சிங்கம். மிடுக்கான அதிகாரியாக வந்து ஏற்கனவே அசத்தியவர் தான் இந்த துரைசிங்கமாக வரும் ஹீரோ சூர்யா. அழகான சூர்யா, உருட்டும் விழிகள், காவல் துறைக்கான மிடுக்கு, நேர்மையான, துணிச்சலான,  என அத்தனை அம்சங்களும் பார்த்தது ரசித்தது தான் ஆனால் மிரட்டும் மீசை வித்தியாசம் மீசை மட்டும் இல்லை, கதையும் தான். டுப் டுப் என்று சுட்டு விட்டு செல்லாமல், சிங்கம் போல அடித்து உதைக்கிறார்.தூம் தாம் என்று என்று தூக்கிப் போட்டு, புரட்டி எடுக்கிறார்.

அழுத்தமான அதிரடியான வசனம், அனல் பறக்க பேசுகிறார். அடிதடியில் சீறிப் பாய்கிறார் சூர்யா. ஆட்டம் பாட்டம் கொண்டாட்டம் என படம் முழுக்க சூர்யாவின் திறமை. சிங்கம் விஜய் படமோ என எண்ணத் தோன்றுகிறது.

மாஸ் ஹீரோவாக நல்ல முயற்சி. படம் முழுதும் சூர்யா சூர்யா சூர்யா மட்டுமே. தூத்துகுடியில் பணி புரியும் அதிகாரியாக வருகிறார் சூர்யா, அதற்காக தான் இந்த மீசையோ??

படத்தின் நாயகி – அனுஷ்கா ! அருமையாக நடிக்கிறார் என்றால், பாடல் காட்சிகளில் அய்யோ என்று சொல்லும் அளவுக்கு ஆடை குறைப்பு.

சற்று உயரமான நடிகை அதுவும் சுமாரான உயரமுடைய நம்ம சிங்கத்துடன் ஒன்றாக இணைந்த மாதிரி ஒரு காட்சிகூட என் நினைவில் இல்லை. இவர் வந்தாலே பாடல்கள் வருகிறது. ஹீரோயினுக்கான அப்பாவாக சில காட்சிகளில் வந்து போகிறார் நாசர்.

பெயருக்கு ஒரு வில்லனாக இல்லாமல் பிரகாஷ்ராஜ். வெகு நாட்களுக்கு பிறகு கொடுமையான வில்லனாக இருப்பார் என்று எதிர்பார்த்தால் சவால் விடுகிறார், மிரட்டுகிறார், கோபம் என்று வந்தாலும் சிங்கத்திடம் அவமானபடும் போதும் காட்டும் நடிப்பு ஆஹா அருமை… ஆனாலும் வில்லனிடம் இருக்கும் ஒரு இரும்பு பார்வை இல்லையோ. இல்லை சூர்யாவால் அப்படி தோன்றுகிறது. அனைத்துக் காட்சிகளிலும் டேய் டேய் என்று மிரட்டியே காலம் போகிறது. படத்ததிற்கு பலமாக வலம் வருகிறார்.

நகைச்சுவை என்று கதறியிருக்கிறார் விவேக். இந்த நகைச்சுவையை சாமி படத்தின் நகைச்சுவையை விட சூப்பர் என்று சொல்லியதை வேண்டுமானால் நல்ல நகைச்சுவை என்று எடுத்துக் கொள்ளலாம்.. சரக்கு இல்லை என்றால் அமைதியாக குணச்சித்திர வேடங்களில் நடிப்பது மேல்.

முதல் காட்சியிலிருந்து படம், குறிப்பாக வேகமான திரைக் கதை கட்டிப் போட்டு விட்டது. திரைகதை, துடிப்பான நாயகன், சுவாரசியமாக சில காட்சிகள், ஆர்ப்பாட்டமான இசை என்று வெற்றிக்கான அத்தனை அம்சங்களுடன் வந்த பொழுதுபோக்கு படம்.

சன் மூவிஸ் சூர்யாவின் சிங்கம் கர்ஜிக்கிறது…

சிங்கம் சூர்யா in and as விஜய் படம் முடிந்தவுடன் மனதில் தோன்றியது

Become Less Reactive and More Responsiveness

Become less reactive and more responsive

In life, we have essentially two psychological modes that we are in most of the time: reactive and responsive. The reactive mode is the one that feels stressful. In it, we feel pressured and are quick to judge. We lose perspective and take things personally. We’re annoyed, bothered, and frustrated.

Needless to say, our judgment and decision making capacity is severely impaired when we are in a reactive state of mind. We make quick decisions that we often regret. We annoy other people and tend to bring out the worst in them. When an opportunity knocks, we are usually too overwhelmed or frustrated to see it. If we do see it, we’re usually overly critical and negative.

The responsive mode, on the other hand, is our most relaxed state of mind. Being responsive suggests that we have our bearings. We see the bigger picture and take things less personally. Rather than being rigid and stubborn, we are flexible and calm. In the responsive mode, we are at our best. We bring out the best in others and solve problems gracefully. When an opportunity comes our way, our mind is open. We are receptive to new ideas.

Once you are aware of these two drastically different modes of being. You will begin to notice which one you are in. You’ll also notice the predictability of your behavior and feelings when you are in each mode. You’ll observe yourself being irrational and negative in your reactive mode and calm and wise in your responsive state of mind.